إعمل لآخرتك/ رضا محمد السيد
الندل هيفضــــــــل ندل وندلته مستديمه
عمره ما يحكم بالعدل ونيته مش سليمه
يقبلك يضحك وشك ومن وراك بالنميمه
حــــــــــــــاول تبعد عنه دا البعد غنيمه .
ــــــــــــــــــــــــــــــــــــــــــــــــــــــــــــــــــ
حـــــــاول تعيش حياتك لا تزعل ولا تتكدر
وإرضى بإللى يجيلك دا كـــــــــل شئ مقدر
وإتعلم تصرف العفريت قبل ما تتعلم تحضر
دا لو ما عرفتش تصرفه هيبقىَ نهارك أغبر .
ــــــــــــــــــــــــــــــــــــــــــــــــــــــــــــــــــــــــ
بكــــــــــــــــــــــــرة يجيلك يوم ما ينفعك مالك
ولا حـــــــــــــــــــد يسأل عنك ولا يقولك مالك
وتتحاسب على إللى راح وكمان كل إللى جالك
دا إنت من بعد أُمك مــــــــــا فيش حبيب بقالك .
ـــــــــــــــــــــــــــــــــــــــــــــــــــــــــــــــــــــــــــ
عجبى على إنسان ديماً مش راضى بحاله
عمره ما حمــــــــد ربنا مهما رزقه وإداله
ما لوش خير فى حد حتى إللى رباه وشاله
وفاق و إفتكر ربنا لما المرض جــــــــاله .
ــــــــــــــــــــــــــــــــــــــــــــــــــــــــــــــــــــ
