رباعيات/ رضا محمد السيد

يارب فرج عنــــا إللى إحنا فيه
يارب إن كان بنا عاصى إهديه
مالناش غيرك يـــــارب ندعيله
وطنا مرض يارب إشفيـــــــــه
ـــــ
فكرت فى يوم هيكون إسمك مجرد ذكره
فكرت يوم إنك مـــــا تشفش بكـــــــــــرة
واللهى لـــــــــــــــــو عرفت حقيقة الدنيا
هتلاقيها مــــــــــــا تستحقش مجرد فكره
ـــــ
يابخته من خد من الشيطان مناعه
وصلى الخمس صلوات جمـــاعة
وإشترى الأخرة وكـل شىء باعه
هنيــــــــاله وقت أن تقوم الساعة
ـــــ
عايز تعرف الشيطــــــــــــــــــــان بيكرهك ليه
علشان أنت سبب غضب ربنــــــــــــــــــا عليه
بس لـــــــــــــــــــو كان سجد كان هيحصل إيه
إبليس بيضحك ع الناس طب مين ضحك عليه  ... وعجبى
ـــــ