إلى أمى الحبيبة بمناسبة عيد الأم/ رضا محمد السيد

خللى باللك من أمك وحطها فى العين 

دى هى أم واحدة ومالناش اُمــــــين
وصانا عليها ربنـــــــــا ونبينا الزين  

وبعد الحبيية أمنا هنلاقى حنان فين
 تعبها فــينا هيفضل علينا دين   

ورضاها علينا هينفعنا يـــــوم الدين
من قبل ماتيجى الدنيا ديه   

ما تعبــــــش فـيك إلا هيه
ولو لتعبهـا فـى هديــــة  

 تبقى الروح عليها شوية
تسع شهور زاد حِمـلها  

 تعبت فيهم وحدها
ولا حد حبك أدها    

وما لكش حبيب بعدها
مين غيرها دلعك   

وحس باللى يوجعك
لو إشتكيت رح تسمعك  

 ومين غيرها هينفعك
لوطلبت عينك إديها    

عن أى إنسان  بديها
ولو مزعلها راضيها   

دى الجنة تحت رجليها
دا الدنيا بكل ما فيها    

ما تسوى دمعة عينيها