يا بنتي/ طوني حنّا النسر

مـــــرّه كنت ببلاد مهجوره 

عالحبّ والتحنان منــــدورَه 

والبيت فيها مهرهــر أْساسو 

والستّ ستّ البيت مقهـوره. 

**** 

قرّبت صوبا وقلت: لا تْخافي 

وحاكيتها بالمنطق الدافــــــي 

راجــــــع أساس البيت يتعمّر 

وبرفع حجار البيت عا كتافي. 

شفت بمنامــــــــي بيتها تعمّر 

وقالت إلي يعطيك العْوافــــي 

يا نسر، ابــــن شمالنا الأسمر 

يا متل بيِّي الما قدرتْ كافي. 

قلتلّها خلّي الــــفـــــــرح يكبَر 

ولا تشربي الأحزان عالصافي 

تخمين بيِّك راح تـــــــــا يسكر 

والإمّ صـــــارت بنتها تْجافي.  

خلّي الزمان الكان يتمرمَــــــر 

يحلا كأنـــــُّـــــو قطعــة كْنافِه 

لولا بعدتْ رح ضلّني إظهـــر 

وإسمِك بيبقى نـــار عا شْفافي. 

بالفايس بــوك رسْمي عالمْكبّر 

بيكون عندِك مرهـــــم الشافي 

منحكي سوا، وضحكاتنا بتكتر 

وبتعرفي إنِّي قــــــــريب كتير 

مهما بعيده تكون المسافِــــــه.