اللي تفتكره انه موسى
إللي ما كان له مثيل
يطلع الفرعون شويه
فاق خيال المستحيل
دا اللي حطم حلم قلبي
دا اللي أحياني قتيل
هوه نفسه اللي حسبته
في الطريق اوفى خليل!
اللي تفتكره صديقك
يطلع انه ضد حلمك
كان يهاديك بسمه صفره
واتاريه مستني يومك
تعمل ايه لما رجاءك
يبقى أول من يلومك
واللي بيبدرك بطعنه
كان فـ.يوم عامل حميمك
هوه ليه حلمك بنيته
والأساس خيط عنكبوت
هوه معقول يبني حلمك
اللي أعياك بالسكوت
ولا معقول يرضى عنك
اللي كاتم فيك كل صوت
أوعى تيأس مهما خانك
اللي مستنيك تموت
0 comments:
إرسال تعليق