قُصر النظر خلّا الوطن تعبان
أوطان عم بتموت والوطن غالي
اخبار بتجي والفكر حيران
والقتل والذبح اصبح تٓسالي .
عايش بغربه والوطن ولعان
تاريخ رجّع هِند للقلب آكّالي
الله خلق عقل بالجسم ميزان
وأعطاه اجمل موهبه وفكرعالي
بتستعملو للخير بتكون فنان
بتحولو للشر بتصبح حُثالي
خلقلو الخير والشر والنسيان
دين ومعرفه وحكمه وعداله.
قمة الإبداع بصورة الانسان!!.
نحن وآدم من نفس السُلاله
المحبة والإلفه رسالة الاديان
من رب السما بكتاب الجلالة
وحط الصلاة والصوم والإيمان
تنعبدوا لوحدو بالسما العالًِ
ويا أديان السما تنكون اخوان
عا نفس الدرب ونقّدّي الرساله
ويبعد عنّا الشر والأحزان
وتتوحد الكلمة بأحلى مقالي
محبتنا لبعضنا، قوة الإيمان
وهيك يكون الانسان المثالي
لكن الحقد ما كان بالحسبان
الجهل دق العقل والرأس خالِ
أجانا بشر من عالم الفدّان
زٓوّٓروا الدين وحلّٓلوا السفالة .
أغتصبوا العذارى دمروا البنيان
ذبّحوا الأديان ساءت الحالة
الله ما امر، هذا عمل شيطان
قتلهم لشعب آمن فكرهم عداله
فتاوى من عقل للدين طفران
ترجموها عالارض سُنة ورسالة
واعتبروها فتاوي من القران
نزلت لِماضي !مش لوقتنا الحالي
نزلت عا ناس مثلهم حيطان
التعصب عماهم وكثر الضلالي
حروبهم مرض دمرت أوطان
وكلوا بيتفرج ما حدا مُبالي
القتل عادي وما حدا سألان
وتكفيرهم للناس وقاحه ونذاله
الله ما وكلك تقتل الانسان
ولا وكلك عالارض عنُّو بوكاله
كلنا اولاد الله خالق الأديان
لو انك مكاني بتعلم بحالي
عودوا للرشد يا بني الأوطان
ودافعوا عن الحق بحكمه ودلاله
وتذكروا جهنم وشدة النيران
رح تدخلوها من دون احتمالِ
2 comments:
223الفصيدة جميلة جداحركت مشاعر كل من قراءها رائعة
روعة استاذ جمال حركت مشاعر كل من قراءها
إرسال تعليق