جهل ياعالم ولا دا إِســــــــــــمه تخلف شعب
ولا نفاق ورياء مع كذب وخــــــــــــــوف أو رعب
لما الساخر باسم يوسف يشتم مُرســـــــــى
وهو ساعتها أكبر راس فى الدولة وهو الكرسى
نقول حرية
ولما بيسخر م الإخوان ويقوم يوصفهم بالخرفان
نقول وطنية
لكن لما يكون فى كلامة تلميح ع الســـــيسى
نقوم نوصفها بسرعه قلة تربية
وتقوم الدنيا وتوصف باسم إنه خســـــــــــــيس
لما يقول كام كلمة نقد على البـــــــــــــــبلاوى
تلقى الكل بيشتم باسم ويجهزله بسرعة بلاوى
واللى يقول باسم صرصار
واللى يقول باسم دا حمار
واللى يقول دا مش متربى
أمرى خلاص فوضـته لربى
مش هو دا باســــــم اللى انتم ياما دافعتم عنه
ولا بســـــــــــــرعه قلبتوا عليه علشان واكمنه
قال حقيقتكم فى لحظة طــيش
واتكلم حبه فى حق الجــــــيش
يبقى جزاءه المــــــــوت والنفى
ويبقى مش من حقه يعيــــــش
0 comments:
إرسال تعليق