مايشغلنيش إنك تقول عنى إخوانى
مادمت بقول الصدق وكلمة الحق عنوانى
قول وصنفنى على كيفك
حقيقتى أقوى من زيفك
وحفضل برضه أقول الحق
وأى حاجة مش عاجبانى حقول لأ
وطول مافيا عقل فى دماغى بفكر بيه
وعين بتدور على الحق وراح تلاقيه
مايشغلنيش إنك تقول عنى إخوانى
مش انتوا اللى وصفتوا أكرم خلق الله بخروف
من غير خوف من ربنا ولاخشا ولاكسوف
مش انتوا برضه اللى خليتوا أوباما إخوانى
وخليتوا اخوه بتاع افريقيا برضه إخوانى
وانتوا اللى حللتوا دم شهدا رابعه والنهضة
وعمر بلدنا بالأسلوب ده ماهى ناهضة
وخليتوا الدم اللى لونه احمر بقى لونين
وقسمتوا الشعب الأصيل إلى شعبين
عارف ومتأكد إن كلامى مش حيعجبكم
وحتقولوا عنى تانى إخوان
وأنا حرد عليكوا بكلمة ماتعرفوهاش أنا إنسان
كلامكوا خلاص مايشغلنيش
وحفضل برضه أقول الحق
واللى حيزعل من كلامى يطق
أنا مش حرضيك واغضب عشانك ربى
وعمرى ماحطرمخ على الحقيقة وأخبى
خلاص حطيت إيديا منكم فى الشق
بعد ماشفت قلوب حجارة عمرها ماترق
لازم حييجى يوم وتعرفوا إنى على حق
أما كونك ومن خيبتك تقول عليا إخوانى
ساعتها ليك عندى رد لكن كلام تانى
راح اسألك هو جنس ملة حضرتك إيه
وليه بتهرب دايما من حقيقتك ليه
على الأقل أنا كلمة الحق هى عنوانى
وعمرى مابتلون مع نظام وبعدها نظام تانى
وعمرى ماكنت ولاحكون فى يوم من الأيام إخوانى
مش لعيب أونقص عندهم او خوف من أى إنسان
لكن لإن إنتمائى لمصر اللى هى عشقى وكيانى
0 comments:
إرسال تعليق