نصيحة للخروف/ الدكتور ماهر حبيب

نصيحة يا خروف إنت وأخوك السلفى إللى ناوين تنزلوا يوم الوكسة يوم 25 يناير وبنقول لك شغل مخك يا خروف وبلاش تلغى الشوية الباقين فى مخك لو إنت نازل علشان قالوا لك إنزل مرسى حا يرجع 

إنزل البلد حا ترجع ليكم 

إنزل وما يهمكش وحا ندفع لك وإن مت ما تخافش عندنا مفاتيح الجنة أول ما توصل حا نتوصى بيك بكام حورية زيادة....

أول حاجة يا ناصح الدولة عملت حاجة بس إنت ما فهمتهاش ولا حا تفهمهما ...أقول لك عليها بس علشان ما ترجعش تعيط وتقول ياريت إلى جرى ما كان ...الحكومة الواعية بتاعتنا ضربت 3 عصافير بحجر واحد إنها إدت الناس أجازة بمناسبة وكسة 25 مش علشان هى بتحب اليوم ده لكنها علشان تعرف تشتغل

الحجر الأول حزب الكنبة إللى مش طايق سيرة 25 خساير قعد فى البيت يتفرج على الخرفان إللى حا تتسلخ فى اليوم ده وطبعا حا يفضى لكم الشوارع خالص علشان إللى حا ينزل يتسحل براحته

الحجر التانى فهمت النوشتاء بتوع الثورة مستمرة إنها بتحتفل معاهم بوكستهم زى ما تحايل طفل زنان عمال يعيط تقوم جايب له الشيكولاتة إللى بيحبها فيتلهى عنك شوية ويبطل زن ويمكن يهدى ويخش ينام

الحجر التالت هو إنت يا خفيف العقل وإللى يتشدد لك حا تنزلوا علشان تكسروا الدنيا حا تلاقوا الدولة بشرطتها وجيشها بتقول تعالى عند عمو وورينا شطارتك إحنا الدولة وإنتو فى الشارع وورونا حل تعملوا أيه وطبعا مش حا تجيبوا التايهة ويوم 25 حا يحصل يوم 28 نوفمبر إللى خوتونا بيه وطلع مفيش أحسن وأهدى من كده.

وبعدين ممكن تفكر ثوانى قبل ما تنزل ...لو نزلت وكسرت الدنيا حا تقدر تعمل أيه حا تعمل لك كام حريقة حا تفرقع لك كام قنبلة حا تموت لك كام واحد حا تخرب لك كام بيت ؟؟؟؟؟؟طب وبعدين يا ناصح ؟؟؟؟أولا الدولة ولا حا يتهز لها شعرة من ده والتانية والأهم إن كل واحد هو وحبايبه وأصحابه ومعارفه حا ينضر من أفعالك الحمقاء حا يبقى عدوك وعمره ما حا يفكر إنه يقبل إنك تكون شريكه فى الوطن ....يعنى يا ناصح كل ما تتصوره نجاح فى هذا اليوم سيبعدك أكثر وأكثر عن الناس وبعدين لو شفت حلمة ودنك حا يكون أسهل من رجوع مرسيك أو عودة مرشدك أو إنك حتى تفكر إنك تكون جزء من الحياة السياسية لمصر ل 500 سنة جاية

إسمع النصيحة يا خروف وإنصح باقى الخرفان إللى حواليك وإنصح إخواتك السلفيين خليكوا ناصحين وإقبضوا الفلوس إللى حا يبعتها المرشد والشاطر وطنشوا عليها وما تنزلوش و يبقى إستفادتوا راحة البال وربحتوا نفوسكم وحياتكم وحزب الكنبة مش حا يكرهكم أكتر من كده وقادة الخرفان حا يصدقوا إنهم خلاص إنتهوا وحا يسيبوا مرسى يهبل فى المحكمة علشان يجيب الإعدام لكل الجماعة .....فكروا يا خرفان إنكم لأخر مرة ما تبقوش خرفان يا خرفان