هوه لازم كل يوم دمي يسيل
يعني لازم إني اموت وافقد خليل
هوه دا بكره يا مصري قوللي فين!
جيت يا بكره والعليل أصبح قتيل
يا شهيد الحق في ضلك بعيش
مهما اعاني مهما قالوا الناس مفيش
ضي حلمك فـ.السما مبينتهيش
والحياه من غير ما نحلم متسويش
يللي عمرك ابتدى بطعنة حقود
يللي من دمك جرى نهر الخلود
انت قصة حب بتوفي العهود
وانت روح البر في كل الوجود
أنسى روح اللي فدا حريتي
أنسى دمه اللي بيرسم بسمتي
أنسى أجمل ما لقيته فـ. دنيتي
تبقى إيه معنى الكرامه وعزتي!
هوه لازم من قصاص رب الشهيد
هوه لازم ينكسر راعي العبيد
يا آله الكون يا قادر عالشديد
اقهر الطاغوت ولو كان من حديد
m_mohamed_genedy@yahoo.com
0 comments:
إرسال تعليق