مسرحية هزلية/ أنطوني ولسن

أ / دعاء رشاد

منذ فترة طويلة تكاد تتعدى العشر سنوات وأنا لم أجري لقاءاً واحدا مسجلا على جهاز التسجيل ثم أقوم بتفريغه وإرساله إلى الجريدة ، جريدة " المستقبل " التي تصدر في سيدني / أستراليا .

لكن أحداث الأختطاف لسبعة من جنود مصر في سيناء وكتبت عنها مقالين " في كلمتين ، والأختبار الصعب " . وأيضا عملية إطلاق صراحهم المفاجيء وإعلان المتحدث الرسمي بأسم الرئاسة  " أن تحرير جنودنا جاء دون أي مساومات أو تنازلات أو تفاوض مع أحد ، دون أي صفقة أو تنازل أو جهد مع المختطفين " .

 بالفعل بدأت الأستماع وكتابة ما أسمعه لأعود بعد ذلك وكتابته على صفحات الأنترنت . وهذا ما فعلته .

إليكم ما إستطعت نقله من حوارات بين مقدمي الحلقة الدكتور ضياء رشوان والدكتور خالد أبوبكر:

** د. خالد أبوبكر :

الأمن القومي من حقه مطالبة الأعلام بعدم إذاعة بعض تحركات القوات المسلحة دي عملية متفبركة .

دي معمولة علشان الرئيس متاضيق من الفريق السيسي وعايز يمشيه . 

** د. ضياء رشوان :

الكلام إللي لازم نعرفه النهارده كان فيه مفاوضات واللا ما كانش !.

فيه مفاوضات قولولنا وبعدين التفاصيل ..

ما فيش مفاوضات وبكرة نكتشف إن كان فيه ، دا يسمى في السياسة خديعة سياسية . ويسمى في الأخلاق كذب . ويسمى في أي دولة ديمقراطية جريمة يحاسب عليها السياسي أيّ ان كان موقعه أو العسكري .

ثم أكمل  الدكتور ضياء حديثه مع الدكتور خالد بقوله :

أنا عايز أقولك ان أحد مسئولي حماس أبلغني أنا شخصيا إحنا يا جماعة الناس دول مش عندنا ( المقصود هنا بالثلاثة ضباط وأمين الشرطة الغير معروف عنهم أيّ شيء منذ فبراير 2011 ) ، سألته وهمّ فين ؟ قال إحنا أبلغنا في مصر السلطات المصرية يأنهم قتلو . وورناهم المكان المدفونين فيه في سيناء .

أنا سمعت هذا الكلام من أحد المسئولين في زيارة لنقابة الصحفين وأمام شهود . لكنه لم يدلهم على القبر دا كلامه . وبقيت روايته إنه وجد ملابس هؤلاء الضباط وأمين الشرطة ملوثة بدمائهم . دي رواية حركة حماس .الذي قال هذا الكلام الأستاذ موسى أبو مرزوق .

تدخلت مدام دعاء رشاد زوجة الرائد محمد الجوهري عبر الهاتف مشاركة لما يدور بينهما .

** أ . دعاء رشاد :

أقسم أنني رأيت سيارة زوجي الرائد محمد محروقة ولا توجد بها أثار دماء أو طلقات ناريه . وكان جنبها كيس لأمين الشرطة به بنطلونين في كيس بلاستك أسود يخص أمين الشرطة ، ومراته إتعرفت عليهم .

بقعت الدماء اللي اتلئت على الأسفلت  لا تزيد عن 5 سم وتم رفعها من قبل الطب الشرعي في مدرية شمال سيناء ووجد انها دماء غير آدمية .

أنا أقسم بالله أن زوجي وزملائه لسه عايشين ، وجاتني براهين عن طريق وسيط فلسطيني وهو قائد جيش الأسلام في غزة .

 وتكمل حديثها .. تواصل معي لواء في الداخلية وعرض عليّ مبلغ مليون جنيه وعشرة آلاف جنيه كل شهر واكتب تحويل محمد جوزي شهيد . هذا الكلام من 6 شهور .

بعد إلحاح من د . خالد أبو بكر لمعرفة إسم اللواء ..

** أ . دعاء رشاد :

اللواء عماد عبد العاطي .

** د. ضياء رشوان :

 إحنا دلوقتي بنوجه كلام واضح للسيد اللواء محمد ابراهيم وزير الداخلية ونقول له إن مدام دعاء رشاد قالت في هذا البرنامج إن حضرتك سيادة وزير الداخلية في يوم 18 مارس 2013 الماضي ومعاها أسر 2 ضباط شرطة وأمين شرطة المختفين إنك قلت إنهم أحياء وموجودين . إذا صمّت تبقى هذه الرواية صحيحة . لو حد إتصل من مكتب حضرتك يؤكد لنا أو ينفي لنا الرواية دي ، أو يحطها في سياق ربما الأستاذة دعاء قالت سياق غيره . دا أمر واجب الأن . لأن لما يبقى وزير الداخلية ولواء في المخابرات الحربية ومسؤلين أخرين منهم زي ما قالت مدام دعاء وزير الداخلية الأسبق اللواء منصور العيسوي ، ووزير الداخلية الأسبق اللواء محمود وجدي . يبقى كده إحنا بنتكلم على وزراء الداخلية كلهم تقريبا . وقالت كمان أن اللواء أحمد جمال قال الكلام ده . مدام دعاء هل لما كان اللواء احمد جمال مدير الأمن العام أم وزير الداخلية ؟

** أ . دعاء رشاد :

لما كان مساعد أول للأمن العام .

** د. ضياء رشوان :

يعني كل وزراء الداخلية الذين تعاقبو على مصر منذ 25 يناير بيقرو بأن ضباط   الشرطة المختفين أو المخطوفين موجودين في غزة .

** أ . دعاء رشاد :

لو إنهم ماتو ما كانتش الوزارة تصرف لنا مرتبات بحوافز كامله . باشوف في المخابرات وفي الداخلية خزي وعار .

" ثم بدأت بعد ذلك عن لقاءاتها مع المسئولين " ...

رئيس الجمهورية كان شايف إن احنا لينا حقوق شرعية بعد سنتين والحقوق الشرعية لازم ناخدها ...

** د.ضياء رشوان :

يعني إيه مش فاهم يا فندم !.

** أ . دعاء رشاد :

رئيس الجمهورية أنكر معرفته بإختطاف الضباط . حكينا له القصة . سأل مين يمكن يكون ورا الموضوع ؟ قلناله حماس .. لأن حماس هي اللي باسطة قوتها وسيطرتها على سيناء .

** د . خالد أبوبكر :

بتاع المخابرات وبتاع الشرطة قالولك عند حماس ؟

** أ . دعاء رشاد :

بالضبط ..

** د . خالد أبو بكر :

والكلام ده عندك 4 شهود عليه ؟

** أ . دعاء رشاد :

أيوه ..

** د . خالد أبو بكر :

يعني واحد من الأتنين كداب .. المنطق بيقول كده لو إنتِ صادقه في اللي بتقوليه إنتِ والأربعة اللي معاكي .

** د .  ضياء رشوان :

عودة ألى الحقوق الشرعية ..

** أ / دعاء رشاد :

أيوه شاف 4 زوجات زي بناته فقال يا بنات إنتم زي بناتي وحاخيركم ما بين الأستمرار أو الأكتفاء بهذا الحد وليكم حقوق شرعية .

** د . ضياء رشوان :

مش فاهم ؟

** أ. دعاء رشوان :

زوجات الشهداء لهم إستثناءات ..

إنتم كإعلامين شرفاء بقي لكم أسبوع أو 6 أيام شغالين على 7 جنود أختطفو لغاية ما ربنا كرم مصر كلها ورجعلها السبعة ، ما سألتوش نفسكم سؤال .. ليه دول رجعو ودول مارجعوش ؟!!.

** د. خالد أبو بكر :

لأ حضرتك إرجعي حضرتك لأمبارح وأول امبارح حضرتك كنتي معاهم وامبارح في الموضوع ده . ده سؤالنا إللي ح نشتغل عليه بعد ما حضرتك تقفلي معانا .

** د.ضياء رشوان :

طب إنتِ رأيك إيه ؟

** أ. دعاء رشاد :

رأي انها قضية سياسية بحته . قضية زوجي وزملاؤه قضية سياسية بحته .

وراء قضية السبعة المخطوفين مسرحية هزلية بحته إنتاج وإخراج وتمثيل جماعة الأخوان وحركة حماس .

وذلك لسببين المسرحية الهزلية كان لها غرضين :

1 – زيادة شعبية الرئيس مرسي المنعدمة واللي مش ح تزيد عمرها .

2 – وضع الجيش المصري في موقف محرج أمام الشعب المصري في موقف محرج أمام شعب مصراللي ح يقوله واحده من اتنين .

أ – ح تدخل وتقتل أبرياء يبقى إنت المذنب . إيديك ملوثة بالدماء .

ب – إما ح تتفاوض مع الخاطفين تبقى إنت بتتفاوض مع إرهابين ، ويبقى عليك دائرة حمره . إنك جيش ما هواش ...

لم تكمل جملتها بعدما قاطعها الدكتور الأستاذ خالد أبو بكر المحامي الذي وعدها بأن قضيتهم ستكون مسؤلية البرنامج . برنامج القاهرة اليوم ، قناة اليوم من القاهرة .

الحلقة كانت ساخنة . وكنت أتمنى نقلها كاملة . لكن ما باليد حيلة ...