بلا روس/ عصام ملكي

من شرقنا يا رب شيل السوس
صار التفاهم بالفرد والموس
بالويل إلنا وبالعذاب سنين
والفضل كلو لحكمنا الديّوس

"جايين يا أرز الجبل جايين"
نقلك بظلك رح منرفع روس
وهلي ما بدهم تفرقه بالدين
بدنا خدودن بالحراره نبوس

اللي بيخدمو الأوضاع معروفين
هني اللي دقو للوعي ناقوس
اليوم السياسه فاتحه دكاكين
وما في خلاص على الأرض ملموس

بدنا حدا يلغي عناد الصين
وعا راسها لنو شي مره يدوس
وبوتين بدل الأرز بدو تين
ويمكن عنب عم يطلب المنحوس

وايران قالت مين متلي مين
وعا حزب الله عم ترش فلوس
لا شك عنا بشرقنا مجانين
والنا لسان الحال عم بيقول
بلا روس يمكن عم يصيرو الروس