أمريكا احلامها أوامر عاوزين هدوء فى غزة .. تمثيلية وصواريخ فشنك وكام طيارة وهب يظهر مرسى يلم الدور وكله يعيش فى سلام والفاتورة بقاء فى الحكم حتى لو سحل 90 مليون مصرى المهم ماما أمريكا وبابا أوباما راضى وانا راضى مالك إنت ومالنا ياشعب مصر الغلبان .... أمريكا تحلم بان الحرب فى سوريا تستمر لا غالب ولا مغلوب وإللى يغلب شوية نزق الطرف التانى علشان يفضلوا الإتنين يكسروا فى بعض لغاية ما التنين خلصوا على بعض ونفضل نسحل فى السوريين حتى أخر سورى ولما يكون ده حلم أمريكا يبقى الحلم أوامر ومرسى يلم أهله وعشيرته عن بكرة أبيهم فى الصالة المغطاة ليعلن الجهاد على سوريا علشان أونكل ينام مبسوط.
طبعا لأجل الورد ينسقى العليق مش مهم مين يموت ومين يعيش ومش مهم الدنيا تولع مش مهم إننا نتحشر فى مصيبة سودا مش قدها مش مهم ولا شيئ يهم ما عدا إن مرسى وعصابته يفضلوا فى الحكم حتى لو إنقرض أهل مصر من 90 مليون إلى 17 ألف هم كل من حضروا حفلة مورسيييه مورسيه أووو اوووو المهم رضا باترسون عنه وإولعى يا مصر هما مش قالوها واضحة وصريحة طظ فى مصر وأبو مصر وهى دى الجملة الوحيدة والصادقة إللى خرجت من بق الإخوان على مدى 80 سودا فى تاريخ مصر.
بص يا مورسييييه مورسيه أوووو أووو لو عاوز ترضى أمريكا لو عاوز ترضى العفريت الأزرق فيه مثل بيقول إللى يفنجر يفنجر من جيبه عاوز تجاهد على ارض سوريا لم أصحابك وعيالك وكل قرايبك ومريديك والباب يفوت مليون جمل أو حتى خروف وإطلع يا حلو على الأراضى السوريا إللى عاوز يجاهد بالنفس ماشى إللى عاوز يحارب .. بالسلامة والقلب داعى عليكم إللى عاوز يبذل دمه ..أو كيه مش حا نحوشكم عن إللى فى بالكم حتى الحلوين إللى عاوزين يجاهدوا بالنكاح هن أحرار فى أجسادهن ... بس يا مورسيييه مورسيييه أووو أووو مالكش دعوة بينا إحنا عاوزين نعيش ومش عاوزين نموت وكل واحد حر فى نفسه ....إرحل على سوريا والقلب داعى لك وحبايبك حزب الله ناس ذوق ذوق ذوق حا يستقبلوك إستقبال ما شوفتوش قبل كده بالصوابع وغير الصوابع وأكيد حا تعرف معزتك عندهم.
لقد إنفضح مورسيييه مورسيييه أوووو أووو بعد ما أعلنت مامته أمريكا بتسليح أعضاء القاعدة فى سوريا طلع فى أقل من 24 ساعة يقول شبيك لبيك عبدك وملك إيديك عاوز أيه عساكر .. شيل عاوز منتحرين ...على قفى مين يشيل ...عاوز حوريات عندنا بضاعة بس مضروبه بس الضلمة تعالج كل شيئ ....موجود شيل شيل عبى عبى بس المهم رضا أونكل أوباما وماما أمريكا ما هو على راى المثل إللى يتجوز أمه يقول له يا عمه ويا بخت من وفق إتنين فى حزام ناسف فى الحرام وإشرب يا شعب ما هو لازم نسترضى ونرضى ماما أمريكا
0 comments:
إرسال تعليق